മറുപടി ഇല്ലാത്ത കത്ത്.

നിനക്ക് ഞാന്‍ എഴുതാന്‍ തുടങ്ങിയിട്ട് കാലം ഏറെയായി,
ഇതു വരെ ഒരു മറുപടി പോലും എനിക്ക് കിട്ടിയിട്ടില്ല.

കാലം എത്ര കഴിഞ്ഞാലും നീ എവിടെയാണെങ്കിലും,
എന്റെ കത്തുകള്‍ നിന്നെ തേടി വരും.

ഇനി എത്ര വേനലും മഴയും ഞാന്‍ കാത്തിരിക്കണം,
നിന്റെ ഒരു മറുപടിക്കായ്.

ഈ വലിയ ലോകത്തില്‍ എവിടെയോ ഇരുന്നു നീ എന്റെ കത്തുകള്‍ വായിക്കുന്നു എന്ന പ്രതീക്ഷയില്‍ ഞാന്‍ ഇന്നും നിനക്ക് എഴുതുന്നു.  

" പട്ടു പാവാടയുടുത് ഈറന്‍ മുടിയില്‍ തുളസി കതിര് ചൂടി ,
നെറ്റിയില്‍ ഒരു ചന്ദന കുറിയുമായ്
രാവിലെ അമ്പലത്തില്‍ നിന്നും വരുന്ന
 ആ പഴയ പെണ്‍കുട്ടിയെ ഞാന്‍ ഇന്നും ഇഷ്ടപെടുന്നു... "

ഇന്നും ഞാന്‍ ഒരു പഴഞ്ചന്‍ മലയാളി തന്നെ...